სიახლენი

10 საინტერესო ფაქტი  კალციუმის შესახებ

10 საინტერესო ფაქტი კალციუმის შესახებ

ალბათ ყველას გვსმენია, რომ კალციუმი ადამიანის ორგანიზმის ერთ-ერთი უმნიშვნელოვანესი მიკროელემენტია, რომელიც პასუხისმგებელია ძვლების მინერალიზაციაზე, თუმცა გარდა ამისა იგი ორგანიზმში ასრულებს მთელ რიგ სასიცოცხლოდ მნიშვნელოვან ფუნქციებს: სისხლის კოაგულაცია, უჯრედშორისი ურთიერთქმედება, კუნთების შეკუმშვა, ნერვული იმპულსების გატარება, ჰორმონების გამოყოფა და ა.შ.

წარმოგიდგენთ 10 საინტერესო ფაქტს კალციუმის შესახებ:

  1. მიჩნეულია, რომ კალციუმის წყაროს წარმოადგენს რძის პროდუქტები, თუმცა ისპანახი, კომბოსტო, ნუში და სეზამის თესლი შიცავს გაცილებით მეტ კალციუმს, ვიდრე რძე და ხაჭო. შესანიშნავი ინფორმაცია ვეგეტარიანელებისათვის!
  2. ორგანიზმში არ ხდება კალციუმის გამომუშავება, შესაბამისად თუ არ მივიღეთ ეგზოგენურად საკვებით ან წამლის სახით, აღნიშნული მიკროელემენტი გამოიდევნება ძვლებიდან ნივთიერებათა ცვლის რეგულაციის უზრუნველსაყოფად.
  3. ცილებით გამდიდრებული დიეტა განაპირობებს კალციუმის გაძლიერებულ გამოყოფას ორგანიზმიდან.
  4. კალციუმის მიღების შემდეგ არ შეიძლება ყავის დაყოლება და დიდი რაოდენობით მისი მოხმარება, რადგანაც განაპირობებს კალციუმის გამოდევნას ორგანიზმიდან.
  5. კალციუმის მიღების საუკეთესო პერიოდი არის ღამე, რადგანაც ძილის დროს აქტიურდება პარათირეოიდული ჯირკვალი და მეტაბოლიზმი არის გაუმჯობესებული.
  6. ექსპერტები გვირჩევენ თვალყური ვადევნოთ, რომ მინიმუმ 1000მგ კალციუმი მივიღოთ დღეში, ძვლების გამოფიტვის თავიდან ასაცილებლად.
  7. კალციუმის ათვისებისთვის აუცილებელია ვიტამინი D
  8. D ვიტამინის საუკეთესო წყაროა: მზის სხივები, ცხიმიანი თევზი, კვერცხის გული და სოკოს ზოგიერთი სახეობა.
  9. D ვიტამინი უზრუნველყოფს იმუნური სისტემის ჯანსაღ ფუნქციონირებას, რაც განსაკუთრებით მნიშვნელოვანია ვირუსის ეპიდემიის პირობებში.
  10. მეცნიერებმა დაადგინეს, რომ D ვიტამინის ნაკლებობა ზრდის დეპრესიის განვითარების რისკს.

Close